अमेरिका ए विरुद्धको अभ्यास खेलमा नेपाल पराजित

काठमाडौं । अमेरिका ए विरुद्धको अभ्यास खेलमा नेपाल ४ विकेटले पराजित भएको छ ।

घरेलु टोलीले टस जितर पहिला फिल्डिङ रोजेपछि सुरुवातमा ब्याटिङ गरेको नेपालले खराव प्रदर्शन गर्दै २५ ओभर २ बलमा सबै विकेट गुमाएर ८१ रन मात्र बनाउन सक्यो। ब्याटिङमा निकै खराब प्रदर्शन गरेको नेपालका लागि कुशल मल्लले १८ रन, देव खनालले १२ र कप्तान रोहित पौडेलले ११ रन बनाउनु बाहेक अन्य खेलाडीले दोहोरो अंकमा रन बनाउन सकेनन्।

अमेरिका एका लागि आरिन सुशील नाडकणरी ले ४ विकेट लिए। जवाफमा ८२ रनको सामान्य लक्ष्य घरेलु टोलीले २३ ओभर १ बलमा ६ विकेट गुकमाएर पुरा गर्यो। नेपालका लागि सन्दीप लामिछानेले ४ विकेट लिए पनि जित दिलाउन सकेनन्।

यसअघि अमेरिकासँग ३ खेलको टी–ट्वान्टी सिरिज नेपालले क्लिन स्विप गरेको थियो।