एजेन्सी । जारी आइसीसी महिला टी–२० विश्वकपको फाइनल आज हुँदैछ ।
दुबईस्थित दुबई इन्टरनेसनल क्रिकेट स्टेडियममा नेपाली समय अनुसार राती ७ः४५ बजेदेखि शुरु हुने फाइनल खेलमा दक्षिण अफ्रिका र न्यूजील्याण्ड भिड्ने छन् । न्यूजील्याण्डले वेस्ट इण्डिजलाई दोस्रो सेमिफाइनलमा ८ रनले पराजित गर्दै फाइनलको यात्रा तय गरेको हो । न्यूजील्याण्ड २०१० पछि पहिलो पटक विश्वकपको फाइनलमा पुगेको छ ।
यस्तै ६ पटकको विश्व च्याम्पियन अस्ट्रेलियालाई सेमिफाइनलमा पराजित गर्दै दक्षिण अफ्रिका लगातार दोस्रो पटक फाइनलमा पुगेको हो । यस पटकको महिला टी–२० विश्वकपले नयाँ विजेता पाउने निश्चित भएको छ ।
प्रतिक्रिया