एजेन्सी । जारी आईसीसी महिला टी–२० विश्वकप अन्तर्गत गएराति भएको दोस्रो सेमिफाइनल खेलमा वेस्ट इन्डिजलाई पराजित गर्दै न्युजिल्याण्ड फाइनलमा प्रवेश गरेको छ ।
न्युजिल्याण्डले वेस्ट इन्डिजलाई ८ रनले पराजित गर्दै विश्वकपमा फाइनल यात्रा तय गरेको हो । न्युजिल्याण्डले दिएको १ सय २९ रनको लक्ष्य पछाएको वेस्ट इन्डिजले २० ओभरमा ८ विकेट गुमाउदै १ सय २० रन मात्र बनाएपछि न्युजिल्याण्ड ८ रनले विजयी भएको थियो । यस अघि पहिला ब्याटिङ गर्दै न्युजिल्याण्डले २० ओभरमा ९ विकेट गुमाएर १ सय २८ रन बनाएको थियो ।
न्युजिल्याण्ड २०१० पछि पहिलो पटक विश्वकपको फाइनलमा पुगेको छ । २००९ र २०१० को टी–२० विश्वकपमा उपविजेता बनेको न्युजिल्याण्डले अहिलेसम्म उपाधि भने जित्न सकेको छैन ।
प्रतिक्रिया