काठमाडौं । काठमाडौंमा जारी साफ महिला च्याम्पियनसिप फुटबल अन्तर्गत दोस्रो दिनको पहिलो खेलमा श्रीलंकाले माल्दिभ्सलाई १–० गोल अन्तरले हराएको छ ।
श्रीलंकाको जितमा खेलको १७ औं मिनेटमा इमेशा वार्नाकलासुरियाले निर्णायक गोल गरिन् । दायाँ विंगबाट प्रविना परेराले दिएको क्रसमा इमेशाले हेडरमार्फत गोल गरिन्। राष्ट्रिय टिमबाट डेब्यु गरेको खेलमै उनले गोल गरेकी थिइन्। श्रीलंकाले पहिलो र दोस्रो हाफमा एकपछि अर्को गोल गर्ने अवसर बनाए पनि गोल हुन सकेन।
समूह बि मा रहेको श्रीलंकाले जितसँगै ३ अंक जोडेको छ।
प्रतिक्रिया