एजेन्सी । युरोपियन नेसन्स लिगमा इङ्गल्यान्डले फिनल्यान्डविरुद्ध सहज जित दर्ता गरेको छ ।
आइतबार राती भएको खेलमा इङ्गल्यान्ड फिनल्यान्डलाई ३–१ गोलले पराजित गरेको हो । इङ्गल्यान्डको जितमा ज्याक, अलेक्जेन्डर र राईसले एक–एक गोल गर्दा फिनल्यान्डका होस्कोनेनले एक गोल गरे । जितपछि इङ्गल्यान्ड चार खेलबाट ९ अंक सहित समूह बि को दोस्रो स्थानमा उक्लिएको छ भने समान खेलबाट कुनै अङ्क नजोडेको फिनल्यान्ड पुच्छरमा छ ।
आइतबार राती नै भएको अन्य खेलमा ग्रिसले आयरल्यान्डलाई २–० गोलले पराजित गरेको छ भने नर्थ म्यासेडोनियाले अर्मेनियालाई पनि २–० गोलले पराजित गरेको छ ।
काजकिस्तानले स्लोभानियालाई १–० ले हराउँदा माल्टा माल्डोभा विरुद्ध १–० ले विजयी भएको छ ।
प्रतिक्रिया