एजेन्सी । यूएईमा जारी आईसीसी महिला टी–२० विश्वकप अन्तर्गत गएराति भएको खेलमा वेस्ट इन्डिजमाथि बंगलादेशले शानदार जित निकालेको छ ।
समूह बी अन्तर्गतको खेलमा वेस्ट इन्डिजले बंगलादेशलाई ८ विकेटले पराजित गरेको हो । बंगलादेशले प्रस्तुत गरेको १ सय ४ रनको लक्ष्य वेस्ट इन्डिजले मात्र २ विकेटको क्षतिमा १२ दशमलव ५ ओभरमा पुरा गरेको थियो । वेस्ट इन्डिजका लागि कप्तान हेलि म्याथ्यूजले सर्वाधिक ३४ रन जोडेकी थिइन् ।
स्टेफानी टेलरले २७ रन जोडिन भने सिमेइन क्याम्पबेल २१ तथा ड्रिन्डा डोटिनले १९ रनको योगदान दिएकी थिइन् । बंगलादेशका लागि नाहिद अक्तेर र मारुफाले समान १–१ विकेट लिएका थिए । यो जितसँगै राम्रो रन रेटका आधारमा वेस्ट इन्डिज समूह बी को शिर्ष स्थानमा उक्लिएको छ ।
३ खेलबाट वेस्ट इन्डिजले ४ अंक जोडेको छ भने बंगलादेश २ अंकमा सिमित छ ।
प्रतिक्रिया