काठमाडौं । आजबाट फेरी काठमाडौंमा मेलम्ची खानेपानी आयोजनको पानी वितरण सुरु गरिएको छ ।
काठमाडौंको सुन्दरीजलस्थित मेलम्चीको पानी प्रशोधन केन्द्रबाट खानेपानीमन्त्री प्रदीप यादवले मंगलबार पानी वितरण सुरू गरेका हुन् । पानी प्रशोधन केन्द्रबाट मेलम्चीको पानी खोलिएपछि काठमाडौं उपत्यका खानेपानी लिमिटेड (केयूकेएल)का विभिन्न वितरण शाखामा पानी पठाइएको छ भने त्यहाँबाट पानी वितरण सुरु भएको छ ।
खानेपानीमन्त्री यादव मेलम्ची संघर्ष समितिसँग वार्ता गर्न सोमबार मेलम्ची पुगेका थिए । सोमबार राति भएको वार्तामा सहमति भएपछि मंगलबार मेलम्चीको उपत्यकामा वितरण सुरु गरिएको हो ।
मेलम्चीबाट दैनिक १७ करोड लिटर पानी आपूर्ति हुने गरेको छ । वर्षा सुरु भएपछि १० असारदेखि मेलम्चीको पानी बन्द गरिएको थियो ।
प्रतिक्रिया