काठमाडौं । दशैंको दुई दिन मनकामना केबलकारको सेवा बन्द हुने भएको छ ।
असोज २६ गते (विजया दशमी) र २७ गते एकादशी केबलकारको सेवा बन्द हुने मनकामना दर्शन प्रालिले जानकारी दिएको छ । मनकामना दर्शनकाअनुसार मनकामना केबलकार असोज २८ गते सोमबारदेखि नियमित सञ्चालनमा आउनेछ ।
गोरखाको सहिद लखन गाउँपालिकास्थित मनकामनामा रहेको प्रसिद्ध धार्मिकस्थल मनकामना मन्दिर जाने दर्शनार्थीको सहजताका लागि चितवनको इच्छाकामना–४ कुरिनटार चेरेसबाट १० मिनेटमा पुग्ने गरी २०५५ सालमा स्थापना गरिएको मनकामना केबलकार नेपालको पहिलो केबलकार हो ।
प्रतिक्रिया