बाढी–पहिरो अपडेटः २ सय ४२ जनाको मृत्यु, २२ अझै बेपत्ता

काठमाडौं । गएको शुक्रबार र शनिबार परेको अविरल बर्षापछि गएको बाढी र पहिरोमा परि मृत्यु हुनेको संख्या २ सय ४२ पुगेको छ ।

बाढी, पहिरामा परी २२ जना बेपत्ता र एक सय २८ जना घाइते भएका छन्। हालसम्म विपद्बाट कोसी प्रदेशमा २३, मधेसमा आठ, उपत्यकामा एक सय एक, बागमतीमा एक सय आठ र लुम्बिनीमा दुई जनाको मृत्यु भएको प्रहरी प्रधान कार्यालयले जनाएको छ ।

बाढीपहिराबाट मुलुकभर एक हजार सात सय ६९ घर र ५५ वटा पुलमा क्षति पुगेको छ। विपद्का घटनामा फसेका १३ हजार एक सय २९ जनाको उद्धार गरिएको छ ।