काठमाडौं । गएको बिहीबारदेखि परेको लगातारको झरीपछि आएको बाढी, पहिरो र डुबानमा परि मृत्यु हुनेको संख्या दिन प्रतिदिन बदिरहेको छ ।
गृहमन्त्रालयले दिएको जानकारी अनुसार हालसम्म बाढी, पहिरो र डुबानमा परि ज्यान गुमाउनेको संख्या २ सय १७ जना पुगेको छ । यस्तै २८ जना अझै पनि बेपत्ता रहेका छन् । साथै एक सय ४३ जना घाइते भएको गृह मन्त्रालयले जनाएको छ । बाढी, पहिरोपछिको खोज, उद्धार र राहतका लागि सबै सुरक्षा निकाय परिचालित भइरहेका छन् ।
बाढी प्रभावितलाई खाद्यान्नलगायत आपत्कालीन राहत सामग्री उपलब्ध गराइएको तथा घाइतेको निःशुल्क उपचार पनि भइरहेको गृह मन्त्रालयले जनाएको छ ।
प्रतिक्रिया