एजेन्सी । एशियन च्याम्पियन्स लिग अन्तर्गत गएराति सम्पन्न भएको खेलमा अल नासरले कतारी क्लब अल रियान पराजित गरेको छ ।
अल नासरले अल रियानलाई २–१ गोल अन्तरले पराजित गरेको हो । अल नासरको जितमा साडियो माने र क्रिस्टियानो रोनाल्डोले एक एक गोल गरेका थिए । रोनाल्डोले यो गोल आफ्नो पिताको नाममा समर्पित गरेका थिए । आफ्ना पिताको जन्मदिनको दिन गरेको गोल भन्दै उनले यो गोल आफ्ना लागि विशेष रहेको रोनाल्डोले बताएका छन् ।
त्यस्तै अल रियानका लागि रोजर गुएडसले एक गोल गरेका थिए । यस अघि पहिलो खेलमा बराबरीमा रोकिएको अल नासरको यो एएफसी च्याम्पियन्स लिगमा पहिलो जित हो ।
यो जितपछि २ खेलमा ४ अंक भएको छ । त्यस्तै अल रियानले भने आफ्ना शुरुवाती दुवै खेलमा हार बेहोरेको छ ।
प्रतिक्रिया