त्रिकोणात्मक टी–२० सिरिजः क्यानडामाथि ओमानको शानदार जित

एजेन्सी । क्यानडामा जारी त्रिकोणात्मक टी–२० सिरिज अन्तर्गत ओमानले क्यानडालाई पराजित गरेको छ ।

गएराति सम्पन्न खेलमा ओमानले क्यानडालाई ८ विकेटले पराजित गरेको हो । क्यानडाले दिएको १ सय ७ रनको लक्ष्य पछाएको ओमानले १५ ओभरमा २ विकेट गुमाउँदै लक्ष्य पुरा गरेको थियो । यस अघि यस हारेर पहिला ब्याटिंग गरेको क्यानडाले १९ दशमलव ५ ओभरमा अल आउट हुँदै १ सय ६ रन बनाएको थियो ।

योसँगै त्रिकोणात्मक सिरिजमा नेपालसहित क्यानडा र ओमानले आफ्ना २–२ खेलमा एक–एक जित र एक–एक हार बेहोरेका छन् । सिरजको अर्को खेलमा आज नेपाल र क्यानडा भिड्दैछन् ।