बाढी र पहिरोमा परि मृत्यु हुनेको संख्या १ सय ४८ पुग्यो, ५८ अझै बेपत्ता

काठमाडौं । बिहीबार रातिदेखि अविरल परेको बर्षापछि आएको बाढी र पहिरोमा परि मृत्यु हुनेको संख्या १ सय ४८ जना पुगेको छ ।

नेपाल प्रहरीले सार्वजनिक गरेको तथ्याङ्क अनुसार हालसम्म विभिन्न जिल्लामा १ सय ४८ जनाको ज्यान गएको छ भने ५८ जना अझै बेपत्ता छन् । मृत्यु हुनेमा काठमाडौंमा १४ जना, ललितपुरमा २२ जना, भक्तपुरमा ५ जना रहेका छन् । यस्तै धादिङमा ३८ जना, काभ्रेमा २९ जना र मकवानपुरमा ७ जना रहेको प्रहरीले जनाएको छ ।

यस्तै सिन्धुपाल्चोकमा ६ जना, दोलखामा ३ जना, सिन्धुलीमा २ र रामेछापमा १ जनाको ज्यान गएको छ यसैगरी सोलुखुम्बु र पाँचथरमा ५/५ जना, झापा र धनकुटामा २/२ जना तथा इलाम र उदयपुरमा एकरएक जनाको ज्यान गएको छ । महोत्तरीमा २ जना र सप्तरीमा १ जनाको ज्यान गएको छ ।

यस्तै बाढी पहिरोमा परी अझै ५८ जना बेपत्ता भएका छन् ।