काठमाडौं । चितवन शक्तिबाट एभ्रेष्ट वुमन्स भलिबल लिग (इडब्ल्यूभिएल) खेल्ने तीन जना विदेशी खेलाडी नेपाल आईपुगेका छन्।
भारतकी केपी अनुश्री र सूर्य सरसुरी तथा रसियाकी अन्ना डिमित्रीभा काठमाडौं आइपुगेका हुन् । तीनै जना विदेशी खेलाडी टिममा आएर प्रशिक्षण सुरु गरिसकेको जानकारी चितवन शक्तिले दिएको छ । चितवन शक्तिका लागि केपी अनुश्री र अन्ना डिभित्रीभा स्पाइकरको रुपमा खेल्नेछन् । त्यस्तै, सूर्याले मिडलब्लकरको पोजिसनमा खेल्नेछिन् ।
चितवनले प्रतियोगिताको तयारी सकिएको र टोली प्रतिस्पर्धाका लागि तयार रहेको बताएको छ । प्रतियोगिता असोज १४ देखि १९ गतेसम्म हुनेछ ।
चितवनले आफ्नो पहिलो खेलमा गण्डकी थन्र्डससँग सोमबार साँझ ७ः४५ मा प्रतिस्पर्धा गर्नेछ।
प्रतिक्रिया