विपद्मा परि हालसम्म ६६ जनाको मृत्यु, ७९ जना बेपत्ता

बिहीबारदेखि अविरल परेको बर्षापछि आएको बाढी, पहिरो र डुबानमा परि शनिबार साँझसम्म ६६ जनाको मृत्यु भएको छ ।

प्रहरीका अनुसार शनिबार साँझसम्म देशभर ६६ जनाको मृत्यु भएको छ भने ७९ जना बेपत्ता भएका छन् । हालसम्म विपद्मा परि ३५ जना घाइते भएको प्रहरीले जनाएको छ । प्रहरीका अनुसार बाढी र पहिरोमा परि काठमाडौं उपत्यकामा मात्रै ३४ जनाको मृत्यु भएको छ ।

जसमध्य काठमाडौंमा ११ जना, भक्तपुरमा ५ जना र ललितपुरमा १८ जनाको मृत्यु भएको हो । यस्तै पाँचथरमा ५ जना, धनकुटामा २ जना, सोलुखुम्बिुमा २ जना, सुनसरीमा १ जना, काभ्रेमा १४ जना, धादिङमा १ जना, सिन्धुपाल्चोकमा ४ जना, दोलखामा ३ जनाको मृत्यु भएको हो ।

यस्तै काठमाडौँमा ६ जना, ललितपुरमा १५ जना, काभ्रेमा २६ जना,मकवानपुरमा ७ जना, दोलखामा ३ जना, झापामा ४ जना, पाँचथरमा ५ जना, सिन्धुपाल्चोकमा ५ जना तथा अन्य जिल्लासहित गरेर ७९ जना बेपत्ता भएको प्रहरीले जनाएको छ ।