एजेन्सी । न्यूजिल्याण्डविरुद्धको दोस्रो टेस्टमा श्रीलंकाले ६ सय २ रन बनाएर इनिंग घोषणा गरेको छ ।
टेस्टको दोस्रो दिन श्रीलंकाका तीन ब्याट्सम्यानको शतक सहित ५ विकेट गुमाएर ६ सय २ रन बनाए पछि इनिंग घोषणा गरेको थियो । श्रीलंकाका लागि कमिन्दु मेन्डिसले १ सय ८२ रन बनाएका थिए । श्रीलंकाका लागि आठौ टेस्ट खेल खेलिरहेका कमिन्दुले हरेक टेस्टमा अर्धशतक बनाएर नयाँ कीर्तिमान बनाएका छन् ।
त्यस्तै यस खेलमा दिनेश चान्डिमलले १ सय १६ र कुशल मेन्डिसले १ सय ६ रन बनाएका थिए । आफ्नो पहिलो इनिंग सुरु गरेको न्यूजिल्याण्डले दोस्रो दिनको खेल सकिदा २ विकेट गुमाउँदै २२ रन बनाएको छ ।
२ टेस्टको यस सिरिजमा श्रीलंकाले पहिलो टेस्ट खेल जितेर १(० को अग्रता बनाएको छ ।
प्रतिक्रिया