काठमाडौं । लगातारको झरीका कारण भिजिबिलिटी कम हुँदा थाई एयरको जहाजले झन्डै एक घण्टादेखि बारा जिल्लाको आकाशमा फन्को मारिरहेको छ ।
थाई एअरको जहाजले ल्यान्डिङ गर्न लाग्दा फेरि मिस एप्रोच भएपछि विमानले फेरी ओभरसुट गरेको थियो । थाई एयरवेजको फ्लाइट टीजीथ्रीवाननाइन बोइङ्ग ७७७ जुन बैंककबाट काठमाडौं आएको हो । त्रिभुवन विमानस्थल प्रशासनका अनुसार मौसमको कारण थाई एअरलगायत केही विमान बस्न सकेको छैन । आन्तरिक उडान झनै धेरै प्रभावित भएको छ ।
त्रिभुवन विमानस्थलबाट धनगढी, नेपालगञ्ज, भैरहवा, सिमरा र जनकपुरबाहेकका उडानहरू प्रभावित भएका छन् । मौसम पूर्वानुमान महाशाखाका अनुसार आज दिनभर झरी पर्ने सम्भावना छ ।
शनिबारदेखि मात्रै मौसममा क्रमिक सुधार हुनेछ ।
प्रतिक्रिया