काठमाडौं । रसियाकी जुभियागिनसिभाले गण्डकी थन्डर्सबाट एभरेस्ट महिला भलिबल लिग खेल्ने भएकी छिन् ।
गण्डकीले तेस्रो विदेशी खेलाडीका रूपमा जुभियागिनसिभालाई अनुबन्ध गरेको हो । जुभियागिनसिभा रसियाको घरेलु लिगमा परिचित अनुहार हुन् । उनले रसिया र मंगोलियामा हुने अन्तर्राष्ट्रिय स्तरका खेल खेलेकी छिन् । उनीसँग रसियन यू–२० लिगमा दुई सिरिज खेलेको अनुभव छ ।
रसियाको मस्कोमा भएको सन् २०१७ र २०१८ को यू–२० रसियन लिगमा उनले प्रतिस्पर्धा गरेकी थिइन् । व्यावसायिक भलिबलको फ्रेन्चाइज लिगमा उनले सन् २०२३/२४ मा मंगोलियन प्रिमियर लिग खेलेकी थिइन् । गण्डकीले यसअघि भारतकी शिल्पा सिन्धु र रसियाकी एलिसा रुबियकलाई अनुबन्ध गरेको थियो ।
गण्डकीले अझै एक खेलाडी अनुबन्ध गर्ने लक्ष्य बनाएको छ ।
प्रतिक्रिया