एजेन्सी । अस्ट्रेलियाले इङ्ल्याण्डविरुद्धको जारी एकदिवसीय सिरिजमा विजयी सुरुवात गरेको छ ।
गएराति सम्पन्न खेलमा अस्ट्रेलियाले इङल्याण्डलाई ७ विकेटले पराजित गरेर सिरिजमा विजयी सुरुवात गरेको हो । इङल्याण्डले दिएको ३ सय १६ रनको लक्ष्य पछ्याएको अस्ट्रेलियाले ४४ ओभरमा ३ विकेट गुमाउँदै लक्ष्य पुरा गरेको थियो । अस्ट्रेलियाको जितमा ट्रभिस हेडले अविजित १ सय ५४ रन बनाएका थिए ।
हेडले १ सय २९ बल खेल्दै १ सय ५४ रन बनाएका थिए । त्यस्तै मार्नस लाबुस्चांगेले अविजित ७७ रन बनाएका थिए । यस अघि पहिला ब्याटिंग गरेको इङल्याण्डले ४९ दशमलव ४ ओभरमा अल आउट हुदै ३ सय १५ रन बनाएको थियो । इङल्याण्डका लागि बेन डकेटले सर्बाधिक ९५ रन बनाएका थिए भने विल ज्याकले ६२ रन बनाएका थिए । यो जितपछि अस्ट्रेलियाले ५ खेलको सिरिजमा १–० को अग्रता लिएको छ ।
अब सिरिजको दोस्रो खेल शनिबार खेल्ने तालिका रहेको छ ।
प्रतिक्रिया