उकालो यात्रामा सुनको भाउ, तोलामा ५ सयले बढ्दै बनायो नयाँ रेकर्ड

काठमाडौं । सोमबार (आज) स्थानीय बजारमा सुनको मूल्यमा नयाँ रेकर्ड कामय भएको छ ।

अघिल्लो दिन प्रतितोला पाँच सय रुपैयाँले बढेको सुनको मूल्य आज पनि बढेको हो । नेपाल सुनचाँदी व्यवसायी महासंघका अनुसार आज छापावाला सुनको मूल्य पाँच सय रुपैयाँले बढेर प्रतितोला १ लाख ५७ हजार ३ सय रुपैयाँ कायम भएको छ । यो मूल्य हालसम्मकै उच्च हो । यसअघि भदौ ३० गते सुनको मूल्य हालसम्मकै उच्च कायम भएको थियो ।

त्यस दिन छापावाला सुनको मूल्य प्रतितोला १ लाख ५६ हजार ८ सय रुपैयाँ कायम भएको थियो । यस्तै आज चाँदीको मूल्य पनि बढेको छ ।

चाँदीको मूल्य १५ रुपैयाँले बढ्दै प्रतितोला १ हजार ९ सय १५ रुपैयाँमा कारोबार भईरहेको नेपाल सुनचाँदी व्यवसायी महासंघले जनाएको छ ।