नेप्सेको ओरालो यात्रा कायमै, ५८ अंकले घट्यो बजार

काठमाडौं । साताको दोस्रो दिन सोमबार नेपाल स्टक एक्सचेन्ज (नेप्से) उच्च अङ्कले घटेको छ ।

सोमबार नेप्से परिसूचक ५८ दशमलव ८६ अङ्कले घटेर २६४६ दशमलव ०३ को विन्दुमा अडिएको हो । अघिल्लो दिन आइतबार मात्रै नेप्से परिसूचक २५ दशमलव ४६ अङ्कले घटेर २७०१ दशमलव ९० को विन्दुमा अडिएको थियो । यस दिन बजारमा २ करोड २२ लाख ६२ हजार ९२४ कित्ता शेयरको खरिदबिक्री हुँदा १० अर्ब १२ करोड २४ लाख ८ हजार रुपैयाँको कारोबार भएको थियो ।

आज २ करोड ९ लाख १७ हजार ९८२ कित्ता शेयरको खरिदबिक्री हुँदा ९ अर्ब ३६ करोड ९८ लाख ३५ हजार रुपैयाँको कारोबार भएको छ ।सोमबार उपसमूहतर्फ रहेका १३ वटै समूहहरूको शेयर घटेको छ । आज हाथवे इन्भेस्टमेन्ट नेपाल, नेपाल वेयरहाउजिङ कम्पनी, इमर्जिङ नेपाल र सीईडीसी हाइड्रोपावर डेभलपमेन्ट कम्पनीका लगानीकर्ताहरूले सर्वाधिक नाफा कमाएका छन् ।​

उनन्ती सहकार्य लघुवित्त वित्तीय संस्था, श्रृजनशिल लघुवित्त वित्तीय संस्था, सपोर्ट माइक्रोफाइनान्स वित्तीय संस्था र मनकामना इन्जिनियरिङ हाइड्रोपावर लिमिटेडका लगानीकर्ताहरूले सर्वाधिक गुमाएका छन् ।

त्यस्तै, कारोबारका अधारमा सीइडीबी हाइड्रोपावर डेभलपमेन्ट कम्पनी ३७ करोड ५७ हजार रुपैयाँको कारोबारका साथ शीर्ष स्थानमा रहेको छ ।