एजेन्सी । यूईएफए नेसन्स लिग फूटबलअन्तर्गत शनिवार राति डुसेल्डोफमा भएको खेलमा घरेलु टोली जर्मनीले हंगेरीमाथि ५ गोलको वर्षा गरेको हो ।
यससँगै जारी प्रतियोगिताको पहिलो खेलमा जर्मनीले हंगेरीमाथि ५–० गोल अन्तरको फराकिलो जीत दर्ता गरेको छ । खेलको २७ औँ मिनेटमा गोल गर्दै निकलास फुलक्रुकले जर्मनीका लागि खाता खोलेका थिए । त्यसपछि जमाल मुसियलाले ५७ औँ मिनेटमा गोल गर्दै अग्रता दोब्बर बनाए ।
यसपछि फ्लोरियन विर्टजले खेलको ६६ औँ, अलेक्सान्डर पाब्लोभिचले ७७ औँ र काई हाभर्ट्जले ८१ औँ मिनेटमा गोल गरे । हाभर्ट्जले पेनाल्टीमा गोल गरेका हुन् । हंगरीले कुनै पनि गोल फर्काउन नसकेपछि जर्मनीले ५–० को फराकिलो जीत दर्ता गरेको हो । यससँगै लिग ‘ए’को समूह ३ मा रहेको जर्मनीले महत्वपूर्ण ३ अंक जोडेको छ ।
यस समूहमा नेदरल्यान्ड्स समान अंकसहित गोल अन्तरमा पछि पर्दै दोस्रो स्थानमा छ ।
प्रतिक्रिया