एजेन्सी । अर्जेन्टिनाले दक्षिण अमेरिकी विश्वकप छनोटमा शुक्रबार चिलीमाथि सजिलो ३–० को जित निकालेको छ ।
यो जितपछि छनोटको शीर्षमा रहेको अर्जेन्टिनाको स्थिति अझ बलियो भएको छ । उसको सात खेलबाट १८ अंक भएको छ । ब्युनर्स आयर्समा भएको खेलमा अर्जेन्टिनाका लागि एलेक्स म्याक एलिस्टरले, जुलियन अल्भारेज र पउलो ड्येबेलाले एक एक गोल गरे । चिली भने सात खेलबाट पाँच अंकमै सीमित रहेर पुछारबाट दोस्रोमा छ ।
अर्को खेलमा बोलिभियाले भेनेजुएलालाई ४–० ले हरायो र अंक तालिकाको सातौं स्थानमा उक्लिन सफल रह्यो । बोलिभियाको सात खेलबाट छ अंक भएको छ ।
प्रतिक्रिया