काठमाडौं । मधेश युनाइटेडले एभरेष्ट महिला भलिबल लिगका लागि आफ्नो तेस्रो विदेशी खेलाडीका रूपमा भारतकी सेटर जिनी कोभात साजीलाई अनुबन्ध गरेको छ ।
योसँगै मधेश युनाइटेडले लिगका लागि तीन विदेशी खेलाडी अनुबन्ध गरिसकेको छ । मधेश तीन विदेशी खेलाडी घोषणा गर्ने पहिलो टोली बनेको छ । मधेशले यसअघि नै काजकिस्तानकी आउटसाइड हिटर कालिनोभा यभजेनिया र ट्युनिसियाकी मिडल ब्लकर योस्रो जेरामदिनीलाई गरिसकेको छ ।
इन्फिनिटी ड्रिम्सको आयोजनामा पहिलोपटक महिला भलिबलको फ्रेन्चाइज लिग एभरेष्ट वुमन्स भलिबल लिग हुन लागेको हो । लिग आगामी १४ देखि १९ असोजसम्म काठमाडौंको दशरथ रंगशालमा कभर्डहलमा हुनेछ । विदेशी खेलाडी र नेपाली खेलाडीको मिश्रणपछि सन्तुलित टिम बनेको मधेश टिमले उपाधिका लागि आफ्नो दाबेदारी प्रस्तुत गर्नेछ ।
२८ वर्षीय भारतीय सेटर जिनी भारतीय राष्ट्रिय महिला भलिबल टिमकी कप्तानसमेत हुन् । तीन पोजिसनमा विदेशी खेलाडी अनुबन्ध गरेपछि मधेश युनाइटेडको टिम सन्तुलित बनेको छ ।
प्रतिक्रिया