स्पेनिस ला लिगाः रियल मड्रिडको जित

काठमाडौं । घरेलु मैदान सान्टियागो बर्नाबेउमा भएको खेलमा रियल मड्रिडले भाल्लाडोलिडलाई ३–० गोलअन्तरले पराजित गरेको हो ।

पहिलो हाफ गोलरहित बराबरीमा सकिए पनि दोस्रो हाफमा रियल मड्रिडले तीन गोल गरेको हो । खेलको ५०औँ मिनेट फेडेरिको भाल्भर्डेले गोल गर्दै रियल मड्रिडलाई सुरुवाती अग्रता दिलाएका थिए । भाल्भर्डेले रोड्रिगोको पासमा गोल गरेका थिए । त्यसपछि खेलको ८८औँ मिनेटमा ब्राहिम डियाजले गोल गर्दै रियल मड्रिडको अग्रता दोब्बर पारेका थिए ।

खेलको ६९औँ मिनेटमा आद्रा गुलेरको स्थानमा मैदान प्रवेश गरेका डियाजले डियाजले इडर मिलिटाओको पासमा गोल गरेका थिए । त्यसपछि इन्जुरी समयको छैटौँ मिनेटमा एन्ड्रिकले गोल गर्दै रियल मड्रिडलाई ३–० को जित दिलाए । ब्राजिलियन युवा फरवार्ड इन्ड्रिकले ला लिगाको डेब्यु खेलमै गोल गरेका हुन् ।

खेलको ८६औँ मिनेटमा वैकल्पिक खेलाडीका रूपमा मैदान प्रवेश गरेका एन्ड्रिकले ब्राहिम डियाजको पासमा गोल गरेका थिए । जितसँगै रियल मड्रिडले ३ अंक जोडेको छ ।