एजेन्सी । नेपाली राष्ट्रिय टोलीका कप्तान रोहित कुमार पौडेल सम्मिलित टोली टोरन्टो नेसनल्सले ग्लोबल टी–२० क्यानडाको उपाधि जितेको छ ।
आइतबार राति भएको खेलमा मोन्ट्रेयाल टाइगर्सलाई ८ विकेटले पराजित गर्दै टोरन्टोले उपाधि हात पारेको हो । मेन्ट्रेयालले प्रस्तुत गरेको ९७ रनको झिनो लक्ष्य पछ्याएको टोरन्टोले १५ ओभरमा २ विकेटको क्षतिमा पुरा गरेको थियो । खेलमा आन्दे्रस गोउसले ४९ बलमा सर्वाधिक ५८ रनको योगदान गरेका थिए ।
यस्तै रासि भान डेर डुसेनले नटआउट रहँदै ३४ बलमा ३० रन जोडेर जितका लागि योगदान दिएका थिए । यसअघि पहिले ब्याटिङ् गरेको मेन्ट्रेयालले निर्धारित २० ओभरमा ९ विकेटको क्षतिमा ९६ रन मात्रै बनाउन सकेको थियो ।
प्रतिक्रिया