एजेन्सी । बंगलादेशका अन्तरिम सरकार प्रमुख डा.मोहम्मद युनुसले भ्रष्टाचारको मुद्दामा सफाई पाएका छन् ।
बंगलादेशको भ्रष्टाचार विरोधी आयोगले युनुसविरुद्ध भ्रष्टाचारको मुद्दा दर्ता गरेको थियो । अन्तरिम सरकार गठन हुनुभन्दा एक दिनअघि नै श्रम कानून उल्लङ्घनसम्बन्धी मुद्दामा युनुसलाई सफाई दिइएको थियो । त्यस्तै, सरकारकी सल्लाहकार नूरजहाँ बेगमले पनि भ्रष्टाचार मुद्दामा सफाइ पाएकी छन् ।
बंगलादेशी पत्रिका डेली स्टारकाअनुसार भ्रष्टाचार विरोधी आयोगले ढाका अदालतमा दायर गरेको उजुरी फिर्ता लिएको हो । मोहम्मद युनुसलाई ग्रामीण टेलिकमको अध्यक्ष हुँदा श्रम कानून उल्लंघन गरेको आरोप लागेको थियो । युनुस बाहेक ग्रामीण टेलिकमका निर्देशक अशरफुल हसन, मोहम्मद शाहजहान र वर्तमान अन्तरिम सरकारका सदस्य नूरजहाँ बेगमलाई पनि श्रम कानून उल्लंघन गरेको आरोप लागेको थियो ।
यसै वर्ष जनवरीमा यस प्रकरणका सबै अभियुक्तलाई ६ महिना कैद र २० हजार जरिवाना सुनाइएको थियो । त्यस्तै, गत जुनमा युनुससहित अन्य १३ जनालाई ३० करोड बढी भ्रष्टाचार गरेको आरोपमा मुद्दा दायर गरिएको थियो । यस मुद्दामा पनि युनुसले सफाई पाएका छन् ।
प्रतिक्रिया