काठमाडौं । बंगलादेशको अन्तरिम सरकारको नेतृत्व गर्न नोबेल विजेता मोहम्मद युनुस स्वदेश फर्किएका छन् ।
फ्रान्सबाट फर्केका उनले आजै शपथ लिनेछन् । अन्तरिम सरकार १५ सदस्यीयको बनाइने छ । सेना प्रमुख वाकरले तीनदेखि चार दिनभित्र बङ्गलादेशको परिस्थिति सामान्य हुने आशा गरिएको छ । १५ वर्ष लगातार शासन गरेकी शेख हसिना देश छाडेर भागेको केही दिनपछि युनुस स्वदेश फर्केका हुन् ।
आन्दोलनकारी विद्यार्थीहरूले उनको नेतृत्वमा अन्तरिम सरकार गठन हुनुपर्ने माग राखेका थिए । विद्यार्थी नेताहरू, राष्ट्रपति मोहम्मद शाहबुद्दिन र सैन्य नेतृत्वबीचको बैठकपछि युनुसलाई सरकारको नेतृत्व सुम्पिने निर्णय लिइएको थियो ।
प्रतिक्रिया