काठमाडौं । सोमबार सेयर बजार परिसूचक नेप्सेमा सामान्य अंकको वृद्धि भएको छ ।
दिनभर उतारचढाव भएको सेयर बजार परिसूचक नेप्से दुई दशमलव १५ अंकले बढेर दुई हजार चार सय ८८ दशमलव शून्य नौ विन्दुमा पुगेको छ । आज बैंकिङ, विकास बैंक, होटल, लगानी, माइक्रोफाइनान्स र निर्जीवन बीमा बाहेक सबै समूहको शेयर बढेको छ । आज मुक्तिनाथ कृषि कम्पनीको शेयर १० प्रतिशतले बढेको छ ।
समग्रमा बजार बढेको दिन गणपति लघुवित्त कम्पनीको शेयर भने झन्डै १० प्रतिशतले घटेको छ । आज तीन सय नौ वटा कम्पनीका तीन करोड ९७ लाख कित्ता शेयर १३ अर्ब ९१ करोड ५५ लाख रुपैयाँमा कारोबार भएको छ ।
प्रतिक्रिया