एजेन्सी । श्रीलंकाका टी–२० क्रिकेट कप्तान वानिन्दु हसरंगाले राजीनामा दिएका छन् ।
हालै सम्पन्न टी–२० विश्वकपमा श्रीलंकाको खराब प्रदर्शनपछि हसरंगाले कप्तानी छोडेको आइसीसीले जनाएको छ । गत वर्ष श्रीलंकाको टी–२० क्रिकेट टिमको कप्तान नियुक्त भएका हसरंगाले केवल १० खेलमा कप्तानी गरेका थिए । हसरंगाले राजीनामा दिँदै आफू खेलाडीको रुपमा मात्र टिममा रहने बताएका छन् ।
बोर्डले हसरंगाले कप्तानी छोडे पनि उनी टिमको महत्वपूर्ण सदस्यको रुपमा रहने जनाएको छ । आगामी जुलाई २७ देखि घरेलु मैदानमा भारतविरुद्ध टी–२० र एकदिवसीय सिरिज खेल्न लागेको श्रीलंकाले छिट्टै नयाँ कप्तान घोषणा गर्ने बताएको छ ।
प्रतिक्रिया