एमालेसँगको छलफल सकारात्मक छः सभापति देउवा

काठमाडौं । प्रमुख प्रतिपक्षी दल नेपाली कांग्रेसका सभापति शेर बहादुर देउवाले सत्तारुढ प्रमुख नेकपा एमालेका अध्यक्ष केपी शर्मा ओलीसँगको भेट सकरात्मक भएको प्रतिक्रिया दिएका छन् ।

कांग्रेसको सोमबार बसेको पदाधिकारी तथा पूर्वपदाधिकारी बैठकमा देउवाले ओलीसँगको भेटबारे संक्षिप्त प्रतिक्रिया दिएका हुन्। गत शनिबार सभापति देउवाले बालकोट पुगेर ओलीसँग गरेको भेटबारे कुरा उठेपछि देउवाले उक्त भेटबारे देउवाले बैठकमा प्रतिक्रिया दिएका थिए ।

सभापति देउवाले ओलीसँगको भेट सकारात्मक भएको र अहिले धेरै टिप्पणी नगरौं भनेका थिए। पदाधिकारी तथा पूर्वपदाधिकारी बैठकपछि प्रचार विभाग प्रमुख मीनबहादुर विश्वकर्माले पूर्वप्रधानमन्त्री ओलीसँग भएको भेटबारे सभापति देउवाले बैठकलाई जानकारी गराएको बताए।