रास्वपा सांसद्हरु नेपाली राष्ट्रिय क्रिकेट टीमको जर्सी लगाएर संसद बैठकमा

काठमाडौं । रवि लामिछाने नेतृत्वको राष्ट्रिय स्वतन्त्र पार्टीका सांसदहरु मंगलबारको सांसद् बैठकमा नेपाली राष्ट्रिय क्रिकेट टोलीको जर्सी लगाएर उपस्थित भएका छन् ।

अमेरिका र वेस्ट इन्डिजमा जारी टी–२० विश्वकप क्रिकेट खेल्न पुगेको नेपाली टोलीको समर्थनमा रास्वपाका २१ सांसद्हरु जर्सी लगाएर संसद् बैठकमा उपस्थित भएका हुन् । नेपालले मंगलबार राति ९ः१५ मा विश्वकपको पहिलो खेल नेदरल्यान्ड्स सँग खेल्दैछ । समूह डी मा रहेको नेपालले आजको खेलमा नेदरल्यान्ड्सलाई हराउँदै आफ्नो सुखद् सुरुवात गर्न चाहान्छ ।

नेपाली टीमलाई हौसला दिन देशव्यापी रुपमा नेपालीहरुले जर्सी लगाएर समर्थन जनाईरहेका छन् भने सामाजिक सञ्जालहरुमा पनि नेपालको समर्थनमा विभिन्न क्याम्पियनहरु चलाईरहेका छन् ।