काठमाडौं । राष्ट्रिय प्रजातन्त्र पार्टीका प्रमखु सचेतक ज्ञानेन्द्र शाहीले हिमाली जिल्लाहरुका लागि छुट्टै आर्थिक बर्ष बनाउनुपर्ने माग गरेका छन् ।
सोमबारको प्रतिनिधिसभा बैठकमा आर्थिक बर्ष २०८१/८२ को राजश्व र व्ययको बार्षिक अनुमान माथिको सामान्य छलफलका क्रममा बोल्दै सांसद शाहीले यस्तो बताएका हुन् । उनले असारबाट आर्थिक वर्ष सुरु हुँदा असोजमा पैसा पुग्ने र कार्तिकदेखि नै हिउँका कारण काम गर्न नसक्ने अवस्था आउने गरेको बताए ।
उनले चैत मसान्तसम्म हिउँका कारण काम गर्न नसक्दा बाँकी रहेको दुई महिनामा मात्रै काम हुने गरेको र सबै पैसा फिर्ता हुने गरेको बताए । शाहीले हिमाली जिल्लाहरूको छुट्टै आर्थिक वर्ष बनाएमा मात्रै काम हुनसक्ने बताए ।
प्रतिक्रिया