काठमाडौं । प्रमुख प्रतिपक्ष दल नेपाली कांग्रेस महामन्त्री गगन थापाले गृहमन्त्री रवि लामिछानेको विवादित अभिव्यक्ति संसद्को रेकर्डबाट हटाउनुपर्ने बताएका छन् ।
आइतबार प्रतिनिधिसभाको बैठकमा बोल्दै कांग्रेस महामन्त्री थापाले गृहमन्त्री लामिछानेले ‘देशको सूचना बेच्ने एजेन्ट’ भएको सङ्केत गर्दै आफूविरुद्ध दिएको अभिव्यक्ति संसद्को रेकर्ड बाट हटाउनुपर्ने माग गरेका हुन् । साथै उनले गृहमन्त्री बरालिए भन्दैमा आफूहरु नबरालिने पनि बताए ।
उनले गृहमन्त्रीको उक्त अभिव्यक्तिको हिसाबकिताब लिनुपर्ने र त्यो हिसाब किताब गृहमन्त्रीसँग मात्रै लिएर अर्थ नहुने पनि बताए ।
प्रतिक्रिया