जनकपुर । मधेश प्रदेश सरकारबाट सत्तारुढ नेकपा एमाले र नेकपा माओवादी केन्द्रले समर्थन फिर्ता लिने भएका छन् ।
जनता समाजवादी पार्टी नेपालका नेता सरोजकुमार यादव मुख्यमन्त्री रहेको मधेश सरकारमा आइतबार नै माओवादी र एमाले बाहिरिने तयारी गरेका हुन् । हाल यादव नेतृत्वको मन्त्रिपरिषदमा नेकपा एमाले, नेकपा माओवादी केन्द्र र एकीकृत समाजवादी छन् । नेपाली कांग्रेस, जनमत पार्टी र लोकतान्त्रिक समाजवादी पार्टी भने सरकार बाहिर छन् ।
जनता समाजवादी पार्टी नेपाल विभाजन भएर अशोक राई नेतृत्वमा जनता समाजवादी पार्टी (जसपा) गठन भएको छ ।
प्रतिक्रिया