२१ हजार ८ सय मत गणना सकियो, सुहाङको अग्रता कायमै

इलाम । इलाम–२ मा शनिबार भएको उपनिर्वाचनमा नेकपा एमालेका सुहाङ नेम्वाङले आफ्नो अग्रता बढाउँदै लगेका छन् ।

हालसम्म गणना भएका २१ हजार ८ सय १० मतमा सुहाङको पोल्टामा ८ हजार ८ सय ९८ मत परेको छ । यस्तै उनलाई पछ्याइरहेका नेपाली कांग्रेसका डम्बरबहादुर खड्काले हालसम्म ६ हजार २ सय ८० मत प्राप्त गरेका छन् ।

यी दुई बिचको मतान्तर भने २ हजार ६ सय १८ को रहेको छ । त्यस्तै, स्वतन्त्र उम्मेदवार डकेन्द्रसिंह लिम्बुले ४ हजार ६३४ मत ल्याउँदा रास्वपा उम्मेदवार मिलन लिम्बु १ हजार ३०५ मत सहित चौथो स्थानमा सीमित छन् ।