डम्बरलाई उछिन्दै सुहाङ अग्र स्थानमा

इलाम । इलाम–२ मा नेपाली कांग्रेसका उम्मेदवार डम्बर खड्कालाई उछिन्दै नेकपा एमालेका उम्मेदवार सुहाङ नेम्वाङले अग्रता लिएका छन् ।

हालसम्मको मतगणना अनुसार सुहाङ २ हजार ५ सय ४२ मतसहित अगाडी छन् भने कांग्रेस उम्मेदवार खड्का २ हजार १ सय १७ मतसहित उनलाई पछ्याइरहेका छन् । त्यसैगरी स्वतन्त्र उम्मेदवार डकेन्द्र सिंह लिम्बु ५ सय ९३ मतसहित तेस्रो र राष्ट्रिय स्वतन्त्र पार्टीका उम्मेदवार मिलन लम्बिु ३ सय ७९ मतसहित चौथो स्थानमा रहेका छन् ।

शनिबार भएको उपनिर्वाचनमा ६९ हजार दुई सय ८७ अर्थात् ५९ दशमलव ७९ प्रतिशत मत खसेको थियो । सो क्षेत्रमा एक लाख १५ हजार आठ सय ८९ मतदाता थिए ।

यो उपनिर्वाचनमा १२ राजनीतिक दलका र सात स्वतन्त्रसहित १९ जना चुनावी प्रतिष्पर्धामा रहेका छन् ।