कर्णाली सरकारः प्रचण्डको निर्देशन विपरित मुख्यमन्त्री शर्माको अडान कायमै

सुर्खेत । प्रधानमन्त्री तथा नेकपा माओवादी केन्द्रका अध्यक्ष पुष्पकमल दाहाल प्रचण्डको निर्देशन विपरित कर्णालीका मुख्यमन्त्री राजकुमार शर्माले विश्वासको मत लिने आफ्ना अडान कायमै राखेका छन् ।

मुख्यमन्त्री शर्माले आफ्नो अडान नछाडेपछि यतिबेला पार्टीका नेताहरु आन्तरिक छलफलमा जुटेका छन् । सत्ता गठबन्धनको भागबण्डा अनुसार कर्णालीको मुख्यमन्त्री एमालेको भागमा परेको छ ।

तर, शर्माले विश्वासको मत लिने अडान कायमै राखेकाले गठबन्धन भित्र संकट उत्पन्न हुने देखिएको छ ।