इलाम–२ उपनिर्वाचनः माओवादीबाट धीरेन्द्र शर्माको नाम सिफारिस

काठमाडौं । आगामी बैशाख १५ गते हुन इलाम–२ को उपनिर्वाचनमा सत्तारुढ नेकपा माओवादी केन्द्रले धीरेन्द्र शर्मा तिमिल्सिनालाई उम्मेदवार सिफारिस गरेको छ ।

इलाम माओवादी जिल्ला समितिले तिमिल्सिनाको नाम सिफारिस गरेको हो । शर्मा २०७४ सालको चुनावमा उनी क्षेत्र नं. २ ‘ख’ बाट प्रदेश सभा सदस्यमा निर्वाचित भएका थिए । इलाम–२ मा नेकपा एमालेले दिवंगत नेता सुवासचन्द्र नेम्वाङका छोरा सुहाङ नेम्वाङलाई उम्मेदवार बनाएको छ । राष्ट्रिय स्वतन्त्र पार्टीबाट मिलन लिम्बु उम्मेदवार छन् ।

प्रमुख प्रतिपक्ष दल नेपाली कांग्रेसले भने हालसम्म उम्मेदवारको टुङ्गो लगाइसकेको छैन् ।