जाजरकोट र रुकुममा गरि झन्डै ५० भन्दा बढीको मृत्यु

जाजरकोट । गएराति झन्डै १२ बजेको समयमा जाजरकोट केन्द्रविन्दु भएर गएको शक्तिशाली भुकम्पमा परि हालसम्म ५० भन्दा बढीको मृत्यु भएको छ ।

जाजरकोट र रुकुम पश्चिममा गरि भुकम्पमा मृत्यु हुनेको संख्या ५० भन्दा बढी पुष्टि भएको कर्णली प्रदेश प्रहरीले जनाएको छ । जसमा रुकुम पश्चिममा मात्रै २८ जना रहेको र जाजरकोटको नलगाड नगरपालिकाकी उपप्रमुख सरिता सिंह सहित २० जनाको मृत्यु भएको छ । यद्यपी क्षतीको थप विवरण संकलन भइरहेकोले यो संख्या बढ्ने अनुमान गरिएको छ ।

साथै भुकम्पमा घाइतेको संख्या सय भन्दा माथि रहेको पनि प्रहरीले जनाएको छ । घाइतेहरुको यतिबेला जिल्ला अस्पतालमा उपचार भइरहेको छ ।

भूकम्पले घरहरु भत्किएको थाहा हुनासाथ उद्धारका लागि कर्णाली प्रदेश प्रहरी कार्यालयबाट ४० र २० गरी ६० जनाको उद्धार टोली परिचालन गरिएको प्रहरीले जनाएको छ ।