एसियाली खेलकुदमा रजत जितेका खेलाडीहरूको विमानस्थलमा स्वागत

काठमाडौं । १९ औं एसियाली खेलकुद खेल्न चीनको हाङझाउमा पुगेका खेलाडीहरू स्वदेश फर्किएका छन् ।

प्रतियोगितामा एक रजत र एक कांस्य पदक विजेता नेपाली खेलाडीलाई विमानस्थलमा खादा माला लगाएर स्वागत गरिएको थियो । मंगलबार मध्याह्नमा त्रिभुवन अन्तर्राष्ट्रिय विमानस्थल आइपुगेका खेलाडी, प्रशिक्षक र अफिसियलहरुलाई राष्ट्रिय खेलकुद परिषद्ले विशेष स्कर्टिङसहित राखेप कार्यालय लगेको थियो । त्यहाँ उनीहरुलाई समर्थक एवं परिवारका सदस्यले स्वागत गरे ।

करातेबाट नेपालका लागि एरिका गुरूङले रजत पदक, तथा नेपाली महिला टोलीले कबड्डीमा कास्य जितेको थियो । कबड्डीमा नेपालले पहिलो पटक पदक जितेको हो ।