एनआरएनए पोर्चुगलको सचिव पदमा प्रकाश गज्मेरको उम्मेदवारी

एजेन्सी । गैर आवासीय नेपाली संघ (एनआरएनए) पोर्चुगलको सचिव पदमा प्रकाश गज्मेरले उम्मेदवारी घोषणा गरेका छन् ।

जुलाई ३० तारिखमा हुन लागेको एनआरएनए पोर्चुगलको राष्ट्रिय महाधिवेशनबाट हुने नयाँ नेतृत्व चयनका लागि उनले सचिव पदमा उम्मेदवारी दर्ता गरेका हुन् । गज्मेर पोर्चुगलमा आफ्नो कामकाजका साथै त्यहाँ पुगेका नेपालीको सहयोगकालागि सधैं सक्रिय रहँदै आएका व्यक्ति हुन् ।

मुल देश छोडेर बाहिरिँदा आइपर्ने समस्या धेरै भएकाले त्यसको सहजिकरणकालागि आफु सधैं प्रतिबद्ध रहेको समेत उनले बताए । गज्मेर सांगीतिक क्षेत्रमा समेत सक्रिय व्यक्ति हुन् । आफुलाई सचिव पदमा विजयी गराउन आफ्नो मतले सहयोग गरिदिन उनले अपिल गरेका छन् ।

उनले यसैपनि आफु नेपालीहरुको सहजिकरणमा सक्रिय रहेको अझ प्रशासनिक पहुँच पुग्ने स्थानमा पुग्दा समस्या समाधानकालागि थप सहज हुने भएकाले पनि आफुलाई मत दिन आग्रह गरे ।