काठमाडौं। नेपाली कांग्रेसको केन्द्रीय कार्यसमिति बैठक आज बुधबारबाट सुरु हुँदै छ ।
बैठक दिउँसो १ बजेबाट पार्टी केन्द्रिय सानेपामा बस्ने भएको हो । कांग्रेसको विधान अनुसार हरेक २–२ महिनामा केन्द्रिय समिति बैठक बस्नुपर्ने भएपनि गत साउनयता बैठक बस्न सकिरहेको थिएन । झन्डै १ बर्षपछि बस्न लागेको बैठकमा यसबीचमा भएको निर्णयहरु अनुमोदन गराउनदेखि भातृ संगठन सम्बन्धी गरेको निर्णय र विस्तारका बारेमा पुर्न बिचार गरिने भएको छ ।
गत सोमबार सभापति शेरबहादुर देउवा निवास धुम्बाराहीमा बसेको पदाधिकारी बैठकले तय गरेको एजेन्डा अनुसार कार्यसम्पादन समितिले गरेका निर्णय अनुमोदन गरिने भएको छ । यसैगरी, महाधिवेशन सम्पन्न गरेको ६ महिनामा गर्ने भनिएको नीति अधिवेशनका बारेमा पनि बैठकमा छलफल हुनेछ ।
जसअनुसार नीति महाधिवेशनको मिति र स्थान तय गरिने जनाइएको छ । साथै, सङ्गठनको कार्ययोजना, कार्यतालिका र समसामयिक राजनीतिक घटनाक्रमबारे पनि केन्द्रीय समितिमा छलफल हुने जनाइएको छ ।
प्रतिक्रिया