ग्रिसमा डुंगा दुर्घटना, ७८ जनाको मृत्यु, सयौँ वेपत्ता

एजेन्सी । ग्रिसमा प्रवासीहरु सवार डुंगा दुर्घटना हुँदा ७८ जनाको मृत्यु भएको छ ।

उक्त डुंगामा ७ सय ५० सवार रहेको मध्य हालसम्म ७८ जनाको शव फेला पारिएको अन्राष्ट्रिय सञ्चार माध्यमहरुले जनाएका छन् । अन्य धेरै अझै पनि वेपत्ता रहेको र उनिहरुको खोजी कार्य चलिरहेको छ । अन्तराष्ट्रिय समाचार एजेन्सीका अनुसार डुंगामा धेरै व्यक्तिहरु सवार रहेको र अधिकांश वेपत्ता रहेकाले पनि मृत्यु हुनेको संख्या अझै बढ्न सक्ने अनुमान गरिएको छ ।

उक्त डुंगाको तल्लो तलामा करिब एक सय जना बालबालिका र महिलाहरु थिए । दुर्घटनाबाट बाँचेकाहरुले बालबालिकाको संख्याबारे जानकारी दिएको समाचार एजेन्सीले जनाएका छन् । क्षमताभन्दा धेरै मानिस भएकाले डुंगा दुर्घटना भएको अनुमान गरिएको छ । यद्यपी दुर्घटनाको यकिन कारण पत्ता लगाउन अनुसन्धान भइरहेको समाचार एजेन्सीले जनाएका छन् ।

डुंगा दुर्घटनापछि कोस्टगार्डका १२ जनालाई हिरासतमा लिइएको छ । ग्रिस कोस्टगार्डले प्रवासीहरुले खचाखच भरिएको डुंगा देखेको तर रोक्ने कोसिस नगरेको आरोप छ ।