एजेन्सी । नाइजेरियाको नाइजर नदीमा डुङ्गा पल्टिँदा सयभन्दा बढीको मृत्यु भएको छ भने कैयौँ अझै वेपत्ता रहेका छन् ।
डुङ्गामा तीन सय जना सवार रहेको अन्राष्ट्रिय सञ्चार माध्यमहरुले जनाएका छन् । डुङ्गामा सवार सवै एक विवाह पार्टीमा सहभागि भएर क्वारा राज्यबाट नाइजर राज्यतर्फ आइरहेका बेला दुर्घटनामा परेका हुन् । अधिकारीका अनुसार वेपत्ताहरुको खोजी कार्य जारी रहेको छ ।
राहत कार्यमा संलग्न एक कर्मचारिले अन्राष्ट्रिय समाचार एजेन्सीलाई दिएको जानकारी अनुसार मृतको संख्या अझैँ बढ्न सक्ने आंकलन गरिएको छ । हालैका बर्षहरुमा नाइजेरियामा डुङ्गा दुर्घटनाको संख्या धेरै देखिएको छ ।
प्रतिक्रिया