दारी ग्याङ रुपन्देहीद्धारा फोटोग्राफी तालिम सम्पन्न

बुटवल । दारी ग्याङ रूपन्देहीले बुटवलमा फोटोग्राफी तालिम सम्पन्न गरेको छ ।

युवाहरू स्वरोजगार तथा ज्ञानसीप आर्जन गरुन् भन्ने हेतुले शनिबार बुटवल बहुमुखी क्याम्पसमा तालिम सम्पन्न गरेको छ । तालिममा जिल्लाका विभिन्न ठाउँबाट दश जना भन्दा बढीको युवाहरू सहभागिता रहेको थियो । संस्थाका सदस्य त्रिभुवन पाण्डेले सहजीकरण तथा अनुभव आदान प्रदान गरेका थिए ।

तालिममा सहभागीहरूलाई कसरी राम्रो फोटो खिच्ने र फोटोको महत्व बारे जानकारी गराइएको र क्यामराको बारेमा पनि जानकारी दिइएको छ । सहभागीहरूलाई फिल्डमै लगेर तस्बिरहरू खिच्न सिकाइएको थियो । कार्यक्रमलाई सन्तोष खरेलले सञ्चालन गरेका थिए भने अध्यक्ष भरत पौडेलले समापन गरे ।

विगत ८ वर्ष देखि सामाजिक परिदृश्यमा सक्रिय बन्दै आएको दारी ग्याङले विविध कार्यक्रम गर्दै आइरहेको छ ।