काठमाडौं । नवनियुक्त वन तथा वातावरण मन्त्री वीरेन्द्रकुमार महतो र शिक्षा विज्ञान तथा प्रविधि राज्यमन्त्री प्रमिला कुमारीले पद तथा गोपनीयताको शपथ ग्रहण गरेका छन् ।
बुधबार बिहान राष्ट्रपति भवन शीतलनिवासमा आयोजित विशेष समारोहमा दुई नवनियुक्त मन्त्रिहरुले शपथ लिएका हुन् । वनमन्त्री महतोलाई राष्ट्रपति रामचन्द्र पौडेल र शिक्षा राज्यमन्त्री कुमारीलाई प्रधानमन्त्री पुष्पकमल दाहाल प्रचण्डले शपथ गराएका थिए ।
प्रधानमन्त्रीले हिजो मंगलबार जनता समाजवादी पार्टी जसपाका महतोलाई मन्त्री र कुमारीलाई राज्यमन्त्री नियुक्त गरेका थिए ।
प्रतिक्रिया