जनकपुर। मधेश प्रदेश सरकार बाट नेकपा माओवादी केन्द्र बाहिरिएको छ ।
मुख्यमन्त्री सरोज कुमार यादवले नेपाली कांग्रेस र एकीकृत समाजवादीलाई समेटेर मन्त्रिपरिषद विस्तार गरेलगत्तै माओवादीले सरकारबाट बाहिरिने निर्णय गरेको हो । माओवादी केन्द्र संसदीय दलको बैठकले सरकार छाड्ने निर्णय गरेको माओवादी केन्द्र मधेश प्रदेशले जनाएको छ ।
मधेश प्रदेशमा माओवादीले २ वटा मन्त्रालयमा आफ्नो दावि प्रस्तुत गरिरहेको थियो तर गठबन्धन भित्र सहमति जुट्न नसकेका कारण माओवादी सरकार बाट बाहिरिएको हो । मुख्यमन्त्री यादवले आज कांग्रेसका कृष्णप्रसाद यादवलाई भौतिक पूर्वाधार विकास मन्त्री र वीरेन्द्र कुमार सिंहलाई स्वास्थ्यमन्त्रीमा नियुक्त गरेका छन् ।
यसैगरी एकीकृत समाजवादीका गोविन्द न्यौपाने पनि मन्त्री नियुक्त भएका छन् ।
प्रतिक्रिया