आइतबार भक्तपुरमा आगलागी हुँदा झन्डै २ करोड २९ लाख बराबरको क्षती

भक्तपुर । आइतवार साँझ भक्तपुरको सूर्यविनायक नगरपालिका–५, चुनदेवीमा रहेको फर्निचरमा भएको आगलागीमा परि झन्डै दुई करोड २९ लाख बराबरको सामान जलेर नष्ट भएको पाइएको छ ।

३७ वर्षीय बिजेन चौगुठीले सञ्चालन गरेको न्यू दाजुभाइ फर्निचर ट्रेडर्स, फर्निचर सञ्चालक बिजेनको साढे तीनतले घर र सँगै रहेको पुष्प शिल्पकारको कृपालु फर्निचर कारखानामा आगलागी भएको थियो । उक्त फर्निचरमा लागेको आगोले पुर्याएको क्षतीको बारेमा प्रहरीले सोमबार दिनभर मुचुल्का गरि सार्वजनीक गरेको विवरणमा दुई करोड २९ लाख बराबरको क्षति भएको उल्लेख छ ।

न्यू दाजुभाइ फर्निचर ट्रेडर्समा सुरुमा आइतबार साँझ सवा ७ बजे अचानक आगलागी सुरु भएको थियो । मानवीय क्षति नभए पनि तयारी फर्निचर, कच्चापदार्थ, मेसिन, केमिकल, कार, घर, नगद तथा जिन्सी लगायतका सामान जलेर नष्ट हुँदा दुई करोड २९ लाख बराबरको क्षति भएको प्रहरीले जनाएको छ ।