धादिङ । त्रिभुवन राजपथ अन्तर्गत धादिङको धुनिबेशी(९) गणेशस्थानमा गुडिरहेको बसमा आगलागी भएको छ ।
नीलकण्ठ नगरपालिका(१) पात्लेबाट छुटेर काठमाडौं आउदै गरेको ग१ख ४८४७ नम्बरको बसमा एक्कासी आगलागी भएको जिल्ला प्रहरी कार्यालय धादिङले जनाएको छ । सिट जलेर नष्ट भएको बसमा सवार ३३ यात्रुभने सकुशल रहेका छन् । बसको इन्जिनबाट धुँवा निस्किनेबित्तिकै बस रोकेर यात्रुलाई बाहिर निकालेका कारण मानवीय क्षति हुन नपाएको प्रहरीले जनाएको छ ।
राजमार्ग क्षेत्रमा रहेको दमकल र स्थानीयवासीले आगो नियन्त्रणमा लिएका थिए ।
प्रतिक्रिया